الميول أو التوجهات الجنسية هي المشاعر اللي بيحس بيها الشخص سواء مشاعر عاطفية أو جنسية تجاه ناس تانية سواء من نفس جنسه زي إن راجل يحب راجل أو ست تحب ست (المثليين) أو من جنس تاني زي إن ست تحب راجل والعكس (المغايرين) أو ست تحب الرجالة والستات (بايسكشوال/مزدوجة التوجه الجنسي) أو إن ست متحبش لا ست ولا راجل (لا جنسية).
ناخد بالنا
الناس عندهم أشكال مختلفة ومتنوعة من الميول الجنسية ودي غير التفضيلات الجنسية. عشان في ناس بتخلط بين الاتنين. الميول الجنسية دي معناها احنا بنحب مين. لكن التفضيلات الجنسية دي اللي بنحب نعمله مع اللي بنحبهم سواء جنس معين أو كذا جنس.
شوية حاجات
طيف الميول الجنسية واسع وكبير ومفيش حاجة فيه غلط أو صح. ولا فيه ميول طبيعية والتانية مريضة. والميول الجنسية مبتتغيرش حتى لو الجن الأزرق نفسه حاول يغيرها. ومفيش سبب ليها أو حاجة بتخليها تتغير. يعني ممكن منكونش فاهمينها أو عارفين احنا فين فيها زي ما بنكون مش عارفين حاجات كتير عن نفسنا وبناخد وقت على ما نعرفها. ولما نعرفها فاحنا كده عرفنا عن نفسنا حاجة مكناش نعرفها، مش معناه إننا كنا حاجة واتغيرنا بقينا حاجة تانية.
ممكن تشوفوا الفيديو ده كمان
