الممارسات الجنسية ليها أشكال كتيرة ومتنوعة وبتختلف من شخص للتاني وبتدخل فيها عوامل كتير ممكن تغير من التجربة كلها. في أشكال من الممارسات الجنسية منتشرة وشائعة ومتطبعة مجتمعيًا وأشكال لا أو مش واخدة نفس الانتشار والتطبيع زي غير
والصحة الجنسية الجيدة معناها امتلاك الثقة والمهارات لطلب الجنس اللي يخليكو تشعروا بالرضا ويجنبكوا المشاكل الصحية والنفسية.
أنواع الممارسات الجنسية
جسدية إيلاجية
ممارسات بنركز فيها على الجسم كمثير أساسي وبتحصل عن طريق إننا بندخل صوابع أو لعبة جنسية أو قضيب في فتحة الفم أو الشرج أو المهبل.
جسدية لا-إيلاجية
ممارسات بنركز فيها على الجسم كمثير أساسي وبتحصل عن طريق مداعبة الجسم بأي شكل غير الإيلاج (اللحس والمص أو العض أو البوس أو المساج الحسي أو الفرك).
ممارسات غير جسدية
ممارسات الجسم مش بيكون فيها عنصر أساسي لكن بنعتمد على عوامل تانية زي الفتيشات أو الألعاب (بعضها ممكن يكون جسدي).
هنستنتج ايه عن الممارسات الجنسية؟
- متنوعة ومش مقتصرة على نمط
- مختلفة حسب الشخص والسياق
- مقبولة طالما بالتراضي
- ممتعة ومرضية لأطرافها
- آمنة ومريحة للجميع
- مشتركة بين ناس كتير (مهما كنا حاسين إنها غريبة)
الممارسات الجنسية ممكن تكون:
سكس فردي أو لوحدنا (امتاع الذات أو صولو Solo سكس)
مع شريك واحد
مع شريكين أو تلاتة (ثريصم/فورصم)
سكس جماعي أو أورجي (بيضم 5 أشخاص وأكتر)
في أشكال كتير للعلاقات الجنسية والعاطفية
- علاقة الليلة الواحدة أو علاقة عابرة (هوكب Hookup)
- علاقة أحادية
- علاقة غير أحادية
- علاقة مقفولة أو مفتوحة
- العلاقات العاطفية متعددة الأطراف
- صحاب وسكس friends with benefits
- وغيرهم
الممارسات الجنسية أونلاين
الممارسات الجنسية ممكن تحصل أونلاين كمان أو على الإنترنت زي المراسلات الجنسية من كلام وصور/نودز (السكستينج Sexting) أو مكالمة جنسية صوتية أو فيديو (فون سكس/فيديو سكس). مهم في كل الحالات نكون بناخد الاحتياطات الأمنية عشان الممارسات دي زي ما بتبسطنا ممكن تعرضنا لمشاكل لو حصلت مع ناس مش أمان أو منعرفهاش كفاية.
الملخص
احنا مختلفين وكل شخص بيشعر بالقدرة على الاستمتاع بجسمه جنسيًا بشكل مختلف.
وكل شخص له الحق في الاستمتاع بنفسه والشعور بالراحة والأمان في الجنس اللي بيمارسه واختلافنا مبيأثرش على ده لو فاهمينه وبنتواصل كويس بخصوصه.
