ما زالت المثليات خاصة في منطقتنا يواجهْن خرافات ومفاهيم خاطئة منتشرة.
الخرافات دي مش بس مزعجة، لكنها خطيرة لأنها بتأثر على نظرة المجتمع، وبتحط المثليات في مواقف من التمييز والعنف والعزلة.
“المثليات بيتصرفوا زي الرجالة”
الحقيقة:
- الميول الجنسية لا تعني بالضرورة نمط لبس أو سلوك محدد.
- والمظهر اللي بنظهر بيه هو إختيار شخصي عكس ميولنا.
- الجندر والميول الجنسية حاجتين مختلفتين!
“المثلية عند البنات مجرد مرحلة وهتعدي”
الحقيقة:
- المثلية مش “نزوة” أو “موضة”، ولا بتتغير مع الوقت أو مع تجربة “الحب مع راجل”.
- المثليات بيحبوا نساء، وده مش شيء مؤقت أو بسبب “صدمة” في الماضي.
- دي هويتهم الحقيقية.
“هي أكيد كرهت الرجالة علشان كده بقت مثلية”
الحقيقة:
- العديد من المثليات عمرهم ما مرّوا بتجربة حب مع راجل، وما عندهمش “عداوة” مع الرجالة.
- الميول الجنسية مش رد فعل، هي شعور داخلي طبيعي.
- كره الرجالة مش شرط، ولا سبب، ولا مرتبط بالهوية المثلية بأي شكل.
“البنت المثلية لو شافت راجل حقيقي، هتتغير”
الحقيقة:
- ده قول مؤذٍ ومتحرش في جوهره.
- فكرة “العلاج بالرجالة” فكرة عنيفة، ومبنية على فرضية ذكورية تعتبر إن الرجالة يقدروا “يصلحوا” أي شيء!
- الميول الجنسية مش محتاجة “تصليح”، ولا الرجالة هم الحل السحري لكل شيء.
“العلاقات العاطفية بين المثليات مش حقيقية لأنها من غير راجل”
الحقيقة:
- الحب الحقيقي مش بيتقاس بوجود أو غياب “ذكر”.
- علاقات المثليات فيها التزام، مشاعر، مسؤوليات، وحتى عائلات زي أي علاقة موجود فيها “ذكر”.
- الحب الحقيقي بيكبر لما يكون صادق، مش لما يكون مطابق لتوقعات المجتمع.
