امتاع الذات أو الاستمناء أو العادة السرية في اللغة العربية الفصحى بمفاهيمها القديمة أو ضرب العشرة/السبعة ونص في اللغة المصرية الحديثة أو سكس لوحدنا، كلها أسماء مختلفة لكل الممارسات الجنسية اللي بنعملها مع نفسنا من غير شريك أو شركاء.
ممكن امتاع الذات يحصل عن طريق الإيلاج (باستخدام الأصابع أو الألعاب الجنسية). أو عن طريق عن طريق المداعبات الخارجية للأعضاء الجنسية أو مداعبة أي جزء في الجسم.
امتاع الذات ممكن يحصل من غير أي مؤثر أو مساعد خارجي. وممكن نحتاج مثيرات حسية خارجية زي بورن أو قصص جنسية أو صور. وممكن نعتمد على خيالنا أو نستدعي ذاكرتنا وتجاربنا الجنسية.
خرافات حول امتاع الذات
طول الوقت في خرافات ومعلومات مش دقيقة بتطارد حياتنا الجنسية. وكأن مينفعش نستمتع ونستكشف جنسانيتنا وأجسادنا من غير خرافات أو حواجز أو أفكار قديمة بتقف بينا وبين جسمنا وانبساطنا.
وبنتعرض للخرافات دي من طفولتنا وبتزيد في المراهقة وبتاخد صراحة أكتر. وممكن نسمعها من زمايلنا في المدرسة أو صحابنا أو قرايبنا أو عائلاتنا أو رجال الدين أو ناس غريبة عننا.
يا ترى مع سيل الخرافات اللي بنتعرضله طول حياتنا وبيطارد كل مرة بنحاول نعمل أي ممارسة من ممارسات امتاع الذات. أو بعد ما نتنتهي منها، أخدنا فرصة نسأل،
الحقيقة فين؟
- امتاع الذات ملهوش أي تأثيرات جسدية ومش بيأثر على النظر والمفاصل
- مش بيسبب عقم أو مشاكل جنسية لأنه زيه زي الجنس مع شركاء
- مش بيأثر على وظائف المخ (الذاكرة/ التركيز)
- مش بيسبب إدمان لكنه ممكن يتحول لسلوك قهري
- مش بيأثر إطلاقاً على علاقتنا بالشركاء أو رغبتنا تجاههم/ن
- امتاع الذات ممارسة ممتعة كلنا بنعملها سواء كنا في علاقة أو لأ
- بيقربنا أكتر من احتياجاتنا وبيساعدنا نعرف تفضيلاتنا ونستكشف المناطق المثيرة في جسمنا
ممكن كمان نعمل ممارسات امتاع الذات مع الشركاء/ الشريكات كنشاط مشترك أو كرغبة في الاكتشاف. أو تجربة فيتشات زي إننا نكون بنعمل ممارسات امتاع الذات وشركائنا بيتفرجوا علينا أو احنا بنتفرج عليهم.
امتاع الذات كمان له أشكال كتير، من اللعب مع المهبل أو القضيب، أو اللعب الشرجي، بالنسبة للأعضاء الجنسية، وده بالأصابع أو الألعاب الجنسية. واللعب مع الحلمات أو الرقبة أو أي مكان تاني في الجسم بيحسسنا بانبساط. وممكن نلعب في إضاءة المكان أو نولع شموع معطرة ونشغل مزيكا بنحبها. ومهم نستخدم مزلقات جنسية تكون بتناسبنا.
